8.DE PULMENTIS

  Pulmenta nostra sint ubique carnibus in nostris conventibus. <Et fratris, ne sint hominibus onerosi, pulmenta cocta cum carnibus comedere liceat extra claustrum. Fratres nostri, tam priores quam alii, in locis ubi conventum habuerimus, nisi cum episcopis vel in domibus religiosorum et hoc raro, extra claustrum comedere non presumant.> Singulis diebus, si fieri potest, duo cocta pulmenta habeant. Poterit autem prior superaddere, prout opus esse iudicaverit et facultas permiserit. Si quis iuxta se sedenti viderit aliquid deesse de communi, requirat a cellario vel a ministro. Si quis de servitoribus vel comedentibus serviendo vel comedendo in aliquo offenderit, surgentibus fratribus, veniam petat et, facto signo a prelato, redeat ad locum suum. Quicumque voluerit bibere extra horam, licentiam petat a prelato et unum socium accipiat.

  <Si quid petitum fuerit ab uno priore, non petatur ab alio, nisi causa exposita. Sed nec, si a maiore petitum fuierit, vadat ad minorem.>