@
15.DE TEMPORE PROBATIONIS
Probationis
tempus statuimus sex mensium vel eo amplius, prout prelato videbitur, ut et ipse
austeritates ordinis et fratres mores expeiantur ipsius, nisi forte aliquis
maturus et discretus probationi predicte renuntiare voluerit et instanter se
offerat professioni faciende.
<Item,
novitii ante professionem de debitis se expediant et omnia alia ad pedes prioris
ponant, ut se ex toto absolvant.
Item, nulli certus usus librorum concedatur, nec indignetru a quocumque
auferantur vel in cuiuscumque custodia dimittantur.
Item, omnes fratres nostri singulis annis semel omnia sibi commissa
prioibus suis exponant et exhibeant, eorum dispositioni omnia relinquendo.
Item, novitii infra tempus probationis sue in psalmodia et officio divino
studeant diligenter.
Item, confessiones novitiorum ante professionem recipiantur, et
diligenter de modo confessionis et in aliis instruantur.
Item, novitii non intersint capitulo nec in dormitorio cum aliis
fratribus iaceant, ubi hoc commode poterit observari. Sed magister eorum extra
capitulum culpas eorum audiat et ipsos diligenter, quantum potest, in moribus
instruat et caritative corripiat.
Item, novitii, tam clerici quam laici, infra annum ad longinquas partes
nisi ob causam necessariam non mittantur, nec in aliquo officio occupentur, et
vestes eorum ante professionem non alienentur, nec ipsi ante professionem
ordinentur.>
@
@
@