23.DE GRAVIORI CULPA
Gravior culpa est, si
quis per contumaciam vel manifestam rebellionem inobediens prelato suo
fuerit, | extiterit, |
vel cum prelato suo intus vel foris proterve contendere ausus
fuerit; si quis percussor fuerit; si quis crimen capitale commiserit,
ut furtum, sacrilegium vel aliud
huiusmodi.
Si quis proclamatus
convictus fuerit, sponte surgat et veniam petens sceleris sui immanitatem
lamentabiliter proferat et denudatus, ut dignam suis meritis accipiat sententiam,
vapulet, quantum placuerit prelato. Et ut permaneat in pena gravioribus culpis
debita. preceptum accipiat, videlicet ut sit omnium novissimus in conventu, ubi
fratres sunt; ut qui, culpam suam perpetrando, non erubuit membrum diaboli fieri,
ad tempus, ut resipiscat, sequestretur a consortio ovium Christi. In refectorio
quoque ad communem mensam cum ceteris non sedebit, sed in medio refectorii super
nudam mensam comedat. Et providebitur ei seorsum panis grossior et potus aque,
nisi prelatus ei aliquid per misericordiam impendat. Nec reliquie prandii sui
cum aliis admisceantur, ut agnoscat se ita suquestratum a cosortio aliorum, quod
privetur, nisi per penitentiam redeat, consortiis angelorum.
Ad canonicas horas
<et ad gratias post comestionem> veniat ante ostium ecclesie et ibi,
transeuntibus fratribus, prostratus iaceat,
quousque intraverint et exierint. |
dum intrant et exeunt. |
Nullus vero audeat se coniungere illi vel aliquid mandare. Ipse
tamen prelatus, ne in desperationem labi possit, mittat ad eum seniores, qui
commoneant eum ad penitentiam, provocent ad patientiam, foveant per compassionem,
hortentur ad satisfactionem, adiuvent per suam intercessionem, si viderint in eo
humilitatem cordis. Quibus suffragetur totus conventus. Nec renuat prelatus cum
illo facere misericordiam. Et si videtur et, denuo vapulet,
provolutus omnium pedibus, | ad pedes singulorum, |
primo prelati, deinde utriusque lateris sessorum.
Talis, quamdiu erit
in hac penitentia, non communicet, non veniat ad osculum pacis. Si predicator
est, officium predicationis non exerceat. Non notetur ad aliquod officium in
ecclesia, nec ulla commitatur ei obedientia ante plenariama satisfactionem. Si
fuerit sacerdos vel diaconus, his officiis non fugatur, nisi postmodum religiose
fuerit conversatus.
Eodem modo penitere
debet, qui rem sibi collatam receperit
de hiis, que prohibentur recipi; si
collatam celaverit, quod beatus Augustinus furti iudicio dicit esse condemnandum;
vel si in peccatum carnis quis lapsus fuerit, quod gravius ceteris puniri
censemus. Si quis tale quid extra monasterium commiserit, frater qui cum eo est,
studeat excessum eius quam citius corrigendum prelato intimare. Correctus autem,
ad locum, in quo tale quid commiserit, ulterius non redeat, nisi ita religiose
fuerit conversatus, <quod generale vel provinciale capitulum ipsum illuc
censeat reversurum>. Si vero huiusmodi peccatum occultum fuerit,
disquisitione secreta, secundum tempus et personam condignam agat penitentiam.
Si quis autem
peccaverit et confiteri voluerit socio illud alias cognoscenti, frater
confessionem eius non recipiat, nisi tale conditione ut, cum opportunitas fuerit,
ipsum possit proclamare. Si qui per conspirationem vel coniurationem vel per
malitiosam concordiam adversus priorem vel prelatos suos manifeste se erexeritn,
supradicto modo peniteant et de cetero in omni vita sua extremum locum sui
ordinis obtineant et vocem in capitulo nisi in sui proclamatione et accusatione
non habeant, nec eis aliqua obedientia iniungatur.
Si qui autem fratres
non malitiose sed i veritate adversus prelatum aliquid habuerint, quod tolerari
non debeat nec deceat, prius eum inter se cum omni humilitate et caritate de sua
correctione admoneant. Quod si frequenter admonitus se corrigere neglexerit aut
contempserit,
<priorem
provincialem> ad eum admonendum et corrigendum advocent vel
visitatoribus, cum ad eandem ecclesiam
visitandam |
<priori
provinciali> vel
visitatoribus, cum ad eandem domum |
venerint, causa manifeste indicetur vel <capitulo generali vel
provinciali> significetur. Aliter prelatos suos subditi diffamare non
presumant.