25.DE GRAVISSIMA CULPA
Gravissima culpa est
incorrigibilitas eius, qui nec culpas timet ad mittere et penam recusat
ferre. De quo preceptum est patris nostri Augustini, ut, etiam si ipse non abscesserit, de vestra societate proiciatur, secundum apostolum, qui hereticum
hominem post primam et secundam
correctionem adhibitam et incorrigibilitatem patefactam devitare
iubet tanquam peccantem peccatum ad mortem, quia subversus est, qui eiusmodi est. Hic quidem
habitu exutus et vestius secularibus indutus exire compellendus est, si tamen
usque ad horam illam sani capitis et integri sensus ectiterit. Et nemini aliter,
quod quidam indigne appetunt, sub qualibet occasione umquam est danda licentia
recedendi, ne ordo et canonica disciplina in contemptum veniant, dum despicitur
in infignis habitus religionis canonice. Et ita, sicut a corde professionem
abiecit, sic et accepta professionis insignia deponere cogatur, nec ulli aliquo
modo pro sua quantalibet importunitate aliter indulgeatur egrediendi licentia.