INCIPIT SECUNDA DISTINCTIO
1.DE CAPITULO PROVINCIALI
Statuimus quod
singlis annis in singulis capitulis provincialibus <Hispanie, Provincie,
Francie, Lombardie, Romane, Hungarie, Theutonie, Anglie> quatuor fratres de
discretioribus et magis idoneis a provinciali capitulo per disquisitionem
prioris provincialis et prioris et supprioris eiusdem loci, ubi capitulum
celebratur, vel, si unus defuerit, per disquisitionem duorum, hoc modo eligantur.
Precicti siqudem tres vel duo, si tertius defuerit, voluntates singulorum
singillatim et seorsum aliquantulum, in eadem domo, coram oculis omnium
disquirant et conscribant fideliter. Et sic incontinenti et in eodem loco,
antequam fratres discendant vel ad invicem collaquantur, scripturam publicent in
medium. Et in quibus maior pars capituli provincialis numero concordaverit, illi
pro diffinitoribus habeantur. Si autem partes fuerint pares, tunc eodem modo
disquisitionis voluntatum unus eligatur a capitulo. Et cui parti ille
consenserit, illi pro diffinitoribus habeantur. Quod si adhuc discordaverint,
alius eligatur et sic deinceps, donec in parte altera maior possit numerus
inveniri. Capitulum autem provinciale appellamus priores conventuales cum
singulis sociis a capitulo suo electis et predicatores generales. Predicatores
autem generales sunt, qui per capitulum generale vel priorem provincialem et
diffinitores capituli provincialis fuerint approbati.
<Nullus prior
conbentualis secum plures fratres ducat ad capitulum generale vel provinciale
sine causa legitima, et assumat quilibet prior socium sibi secundum electionem
capituli sui.
Accusationi vero et
correctioni professi post
annum sue professionis | triennium ab ingressu ordinis |
poterunt interesse.
Item, conventus qui
mittit accusationes ad capitulum generale vel provinciale, scribat de quolibet
articulo numerum et nomina accusantium, et si accusant de visu vel auditu. Et
nullus accuset de auditu, nisi dicat a quo audierit. Sed utique caveat ne malum,
quod audierit de alio [fratre], referat aliquatenus, nisi dicat a quo audiverit.
Item, quilibet prior
cum conventu scribat singulis annis priori suo provinciali et diffinitoribus
capituli provinciales debita domus, ponentes nihilominus causas debitorum.
Item, nulla petitio
offeratur provinciali capitulo nisi a conventu, nec generali nisi a provinciali.>