5.DE ELECTIONE CAPITULI GENERALIS DIFFINITORIS
Statuimus etiam ut per duos
annos in dictarum <octo> provinciarum capitulis aliquis de magis idoneis a
capitulo eligatur, qui sit generalis capituli diffinitor. Cui socius competens a
priore provinciali et a diffinitoribus assignetur, ut, si medio tempore
decesserit vel aloquo modo fuerit impeditus quod venire non possit ad capitulum
generale, ipso iure socius eius loco ipsius diffinitor habeatur.
<Statuimus quod
quatuor provincie, scilicet Ierosolimitana, Grecia, Polonia, Dacia, habeant
singulis annis diffinitores in singulis capitulis generalibus.>
Tertio autem anno
priores proviciales <duodecim> provinciarum generale capitulum celebrabunt.
Item, statuimus quod
priori provinciali eunti ad capotulum generale detur socius a diffinitoribus
capituli provincialis.