6.DE PREIUDICIO VITANDO

  Statuimus autem et in virtute Spiritus sancti et obedientie et sub interminatione anathematis districte prohibemus ne priores provinciales fratribus diffinitoribus aut fratres diffinitores prioribus provincialibus per suas diffinitiones preiudicium aliquid audeant generare. Quod si facere attentaverint, eadem districtione prohibemus ne in hoc eis aliquis presumat obedire.

  Et ut multitudo constitutionum vitetur, prohibemus ne aliquid de cetero statuatur, nisi per duo capitula continua fuerit approbatum. Et unc in tertio capitulo immediate sequente poterit confirmari vel deleri, sibe per priores provinciales sibe per aliod diffinitores, ubicumque illud tertium capitulum teneatur.