@
@
13.DE MORTE MAGISTRI
Si ante festum sancti
Mechaelis magistrum mori contigerit, prior conventualis vel provincialis, qui
propinquior illi loco extiterit, ubi magister decesserit, Parisiensi vel
Bononiensi conventui, sibi propinquiori scilicet, cum festinatione denuntiet. Et
alterunter istorum conventuum, cui primo denuntiatum fuerit, teneatur similiter
reliquis nuntiare: Parisiensis provincialibus Hispanie, Provincie, Anglie,
Theutonie; Bononiensis vero Hungarie, Romane provincie et aliis quibus poterit,
teneatur quam citius intimare. Si autem post dictum festum magister decesserit,
obitus magistri nihilominus denuntietur, ut supersedeatur illo anno a capitulo
generale. Sequenti vero anno tibi capitulum celebretur, ubi prius debuerat
celebrari.
Capitulum generale
uno anno Parisius, alio anno Bononie celebretur.
@
@