@
@
15.DE ELECTIONE PRIORUM PROVINCIALIUM
Statuimus ut
provinciarum priores vel regnorum in capitulo generali a magistro ordinis et
diffinitoribus, premissa diligenti examinatione, confirmentur vel amoveantur.
nam eorum electio ad provinciale capitulum pertinebit.
<Statuimus ut
magister solus possit confirmare priorem provincialem.>
Mortuo igitur priore
provinciali val amoto, duo fratres de quolibet conventu illius provincie
eligantur, qui cum suo priore conbentuali secundum formam superius positam
electionem prioris provincialis celebrabunt, hoc excepto quod eos includi sicut
in electione magistri non oporteat.
<Item, priore
provinciali mortuo vel amoto, prior qui locum eius obtinet, teneatur convocare,
quam citius commode poterit, electores. Et tunc prior provincialis eligatur et
provinciale capitulum celebretur, nisi prius fuerit celebratum. Quod si modo non
elegerint qui debent eligere, potestas providendi ad magistrum ordinis
transferatur.
Item, volumus quod
electio prioris provincialis spectet tantum ad priores conventuales cum duobus
fratribus de quolibet conventu ad hoc electis, omnibus fratribus ad illum
conventum pertinentibus, si commode potest fieri, convocatis.>
@
@