2.DE CAPITULO

  Intrante conventu capitulum, lector pronuntiet lunam et que de kalendario pronuntianda sunt. Et sacerdos prosequatur: Pretiosa, ect. Et residentibus fratribus, lector pronuntiet lectionem de

pro tempore, premisso Iube domne. Et hebdomadarius subiungat benedictionem: Regularibus disciplinis vel Divinum auxilium pro tempore. Et facta absolutione pro defunctis, dicat qui tenet capitulum: Benedicite et, responso Dominus, inclinent omnes. Deinde, recitatis beneficiis et dicto a priore Retribuere dignare ect., dictis etiam a convetu paslmis Ad te levavi et De profundis, Kyrie eleison cum Pater noster, subsecutis etiam hiis tribus versiculis, scilicet Oremus pro domino papa, Salvos fac servos tuos, Requiescant in pace, ab hebdomadario dicendis, cum hiis tribus collectis Omnipotens sempiterne Deus qui facis, Pretende, Fidelium Deus, resident fratres. Tunc prelatus poterit dicere breviter, si quid ad honestatem vel correctionem fratrum viderit expedire. Post egrediantur novitii. Quibus egressis, dicat qui preest: Faciant venias, qui se reos estimant. Continuo, qui se reos intellexerint, prostrati veniam petant. Deinde surgentes humiliter confiteantur culpas suas. Et quorum culpa talis est, que digna est correctione, preparent se ad correctionem. Quam correctionem faciat prior vel ille, cui ipse iniunxerit. In capitulo fratres nisi duabus de causis non loquantur, scilicet culpas suas vel aliorum simpliciter dicendo et prelatis suis tantum ad interrogata respondendo. Nullus faciat proclamationem super aliquem ex sola suspicione.

  Quando prelatus iniunxerit aliquam communem orationem, inclinent omnes. Similiter omnes faciant, quibus aliquid facere vel dicere iniunxerit. Si vero aliquam obdientiam vel officium vel ministerium aliquod cuivis iniunxerit, humiliter

 Auditis culpis, dicitur paslmus Laudate Dominum omnes gentes cum versu Ostende nobis Domine et Dominus vobiscum et collecta Actiones nostras etc. In fine dicat prior: Adiutorium nostrum etc. Et sic solvitur capitulum.