32.UBI NON AUDEANT PREDICARE FRATRES

  <Predicare non audeat aliquis in diocesi alicuius episcopi, qui ei ne predicet interdixerit, nisi litteras et generale mandatum habeat summi pontificis.>

  Cum fratres nostri diocesim alicuius episcopi ad predicandum intraverint, primo, si poterunt, episcopum illum visitabunt et secundum consilium eius in populo fructum faciant, quem facere intendunt. Et quamdiu in eius episcopatu fuerint, ipsi in hiis, que contra ordinem non fuerint, devote obedientes erunt.