36.DE ANNIVERSARIIS

  A festo sancti Dionysii usque ad Adventum pro anniversario fratrum clericus psalterium, sacerdos tres missas, laici quinquaginta Pater noster dicant.

  Idem faciat quilibet fratrum pro defuncto frare sui conventus.

  Idem fiat per totum ordinem pro magistro ordinis et a comprovincialibus pro priore provinciali defuncto.

  Idem etiam fiat pro visitatore a domibus, quas visitare debet, si in visitatione moriatur. Idem etiam fiat pro diffinitoribus generalis capituli sibe prioribus provincialibus sive aliis fratribus et eorum sociis, si eos in via mori contigerit, quod fit pro magistro ordinis mortuo.

  Item, in unaquaque provincia pro fratre illius provincie defuncto quilibet sacerdos celebret unam missam et quilibet conventus unam in communi et unusquique aliorum septem psalmos.

  Anniversarium patrum et matrum tertia die post Purificationem sancte Marie, aniversarium benefactorum et familiarium tertia die post Nativiatatem eiusdem est faciendum.