火曜日・金曜日
待降節・降誕節ではallelujaは唱えない。
Nocturnum
Ant. Specie tua et pulchritudine tua intende, prospere procede et regna, Alleluja.
Psalmus 44
Effundit cor meum verbum bonum: dico ego carmen meum regi; lingua mea stilus est scribae velocis.
Speciosus es forma prae filiis hominum, diffusa est gratia super labia tua: propterea benedixit tibi Deus in aeternum.
Cinge glagium tuum super femur, potentissime, decorem tuum et ornatum tuum!
Feliciter evehere pro fide et pro justitia, et praeclara gesta doceat te dextera tua.
Sagittae tuae acutae, populi tibi subduntur, deficiunt corde inimici regis.
Thronus tuus, Deus, in saeculum saeculi; sceptrum aequitatis sceptrum regni tui.
Diligis justitiam et odisti iniquitatem: popterea unxit te Deus, Deus tuus, oleo laetitiae prae consortibus tuis.
Myrrha e aloe et cassia fragrant vestimenta tua; ex aedibus eburneis fidium sonus laetificat te.
Filiae regum obviam veniunt tibi, regina adstat ad dexteram tuam ornata auro ex Ophir.
Audi, filia, et vide, et inclina aurem tuam, et obliviscere populum tuum et domum patris tui.
Et concupiscet rex pulchritudinem tuam: ipse est dominus tuus; obsequere ei.
Et populus Tyri cum muneribus venit; favorem tuum captant proceres plebis.
Tota decora ingreditur filia regis; texturae aureae sunt amictus ejus.
Amictu variegato induta adducitur ad regem; virgines post eam, sociae ejus, adducuntur ad te.
Afferuntur cum laetitia et exsultatione, ingrediuntur in palatium regis.
Loco patrum tuorum erunt filii tui; constitues eos principes super totam terram.
Memorabo nomen tuum in omnem generationem et generationem; propterea populi celebrabunt te in saeculum saeculi.
Gloria Patri …
Ant. Specie tua et pulchritudine tua intende, prospere procede et regna, Alleluja.
Ant. Adjuvabit eam Deus vultus suo: Deus in medio ejus, non commovebitur, Alleluja.
Psalmus 45
Deus est nobis refugium et robur; adjutorem in angustiis probavit se valde.
Propterea non timemus, dum subvertitur terra, et montes cadunt in medium mare.
Tumultuentur, aestuent aquae ejus, concutiantur montes impetu ejus:
Fluminis rivuli laetificant civitatem Dei, sanctissimum tabernaculum Altissimi.
Deus est in medio ejus, non commovebitur; auxiliabitur ei Deus primo diluculo.
Fremuerunt gentes, commota sunt regna; intonuit voce sua, diffluxit terra:
Dominus exercituum nobiscum; praesidium nobis est Deus Jacob.
Venite, videte opera Domini, quae egit stupenda in terra,
Qui compescit bella usque ad finem terrae, arcus conterit et confringit hastas, et scuta comburit igni.
Desistite et agnoscite me Deum, excelsum in gentibus, excelsum in terra.
Dominus exercitumm nobiscum; praesidium nobis est Deus Jacob.
Gloria Patri …
Ant. Adjuvabit eam Deus vultu suo: Deus in medio ejus, non commovebitur, Alleluja.
Ant. Sicut laetantium omnium nostrum habitatio est in te, sancta Dei Genetrix, Alleluja.
Psamus 85
Fundationem suam in monitibus sanctis diligit Dominus: portas Sion magis quam omnia tabernacula Jacob.
Gloriosa praedicantur de te, civitas Dei!
Accensebo Rahab et Babel colentibus me: ecce Philistaea et Tyrus populusque Aethiopum: hi nati sunt illic.
Et de Sion dicetur: "Viritim omnes sunt nati in ea, et ipse firmavit eam Excelsus".
Dominus scribet in libro populorum: "Hi nati sunt illic".
Et cantabunt, dum chorum ducent: "Omnes fontes mei sunt in te".
Gloria Patri …
Ant. Sicut laetantium omnium nostrum habitatio est in te, sancta Dei Genetrix, Alleluja.
V/. Diffusa est gratia in labiis tuis.
R/. Propterea benedixit te Deus in aeternum.
Pater noster …(secreto)
V/. Et ne nos inducas in tentationem.
R/. Sed libera nos a malo.
AD ABSOLUTIONEM